葉蘊儀與模特兒陳沛嘉（Ballia）昨日在灣仔出席護膚品記者會，葉蘊儀大談美肌心得，她說：「我平時好鍾意做mask，每兩日就煲一次魚湯飲，好似木瓜生魚湯、番茄紅衫魚湯之類，對皮膚好好。」
提到感情生活，葉蘊儀直認追求者多，她說：「我返上海傾生意，都識到好多生意人、老闆，情人節都收到幾束花，不過我都唔會去約會。」
問葉蘊儀為何不接受追求？她說：「費事食一次飯，俾人影到就話我拍拖，咁咪冇人敢追我？我太忙，又唔係未結過婚，真係唔急囉！」
而陳沛嘉則透露近日接到一護膚品廣告，因怕商品衝突而推卻其他工作，白白損失二十萬。
採訪、攝影：IngridChan