兩鐵合併尚在商討中，外界預計若果成事，返咗工三個月嘅地鐵行政總裁周松崗，大有可能成為合併後新公司嘅行政總裁。周總裁喺地鐵雖然唔係坐咗好耐，但佢以前做過跨國公司GKN及英國氧氣集團一把手，領導合併後嘅兩鐵應該難唔到佢。
不過未講第日嗰筆，周總裁已經有甜頭，八方睇聯交所資料，地鐵公司喺上星期三就送咗一批地鐵認股權畀佢，足足有成七十萬股，條款未知。雖然早排地鐵股價表現唔係咁好，但第日為咗促使地鐵小股東通過合併方案，話唔定有人一個唔該將隻股炒上，咁周總裁就豬籠入水。不過，兩鐵合併嘅變數唔少，小股民都係小心為上。
傳真︰2623-9278
電郵︰