有線娛樂新聞台主播梁嘉琪未得經理人公司有線同意，私自參加電視劇《伙頭智多星》女主角招募，她被有線口頭警告後，仍然參加決賽，並奪得冠軍。昨日有線向梁嘉琪發律師信，她不但做不成女主角，可能還要負上法律責任。
有線娛樂新聞台主播梁嘉琪參加寰宇電視劇《伙頭智多星》女主角招募奪得冠軍，由於她事前沒有知會經理人公司有線，兼且曠工兩日，有線昨日向她發出律師信追究。
有線節目部執行董事徐小明昨日接受本報電話訪問時說：「佢（梁嘉琪）咁做好有問題，公司喺三月五號睇報紙先知佢去咗參賽，之後已經口頭警告咗佢。因為佢嘅經理人公司係有線，佢唔可以以個人名義去接任何有關演藝嘅工作，當時佢重應承唔會參加總決賽，但七號佢又去咗參賽，重要曠工，我覺得問題嚴重，徵詢咗法律部嘅意見之後，今日發咗律師信畀佢，佢咁做係違反咗合約精神。」
而寰宇老闆林小明則表明立場，指此事要由梁嘉琪自行解決。林小明昨日就此事回應說：「我唔知有咁嘅事，有乜嘢咪大家坐低傾吓囉，我哋只係提供offer畀梁嘉琪，預佢其中一個女主角嘅角色，如果唔得嘅咪唔預佢咯，反正我哋又冇簽約，有咩問題，應該由佢自己解決。」
昨日記者致電梁嘉琪，問她可知道有線發了律師信給她，梁嘉琪說：「等我返屋企睇咗封信先答你啦。」問她為何曠工，梁嘉琪支吾以對地說：「我唔得閒，真係趕時間，等我搞清楚先答你啦！」
採訪：張止寒
