噚日係三八婦女節，學術界傳來好消息，科技大學生物化學系暨生物技術研究所所長葉玉如教授，繼陳馮富珍之後，亦成功「打入荷李活」，獲得本年度嘅「歐萊雅──聯合國教科文組織世界傑出女科學家成就獎」。呢個獎來頭唔小，聽講地位猶如諾貝爾科學獎女裝版。
呢個獎每年只頒畀五位有卓越成就嘅女科學家，葉教授係今年亞太區唯一得主，係繼舊年中國科學院院士李方華教授後，第二次有中國女性獲此殊榮。葉教授話，得到呢個國際權威獎項，係佢科學生涯嘅巔峯。
另外四位得獎女科學家分別來自南非、法國、巴西同美國，每人醒十萬美元獎金，幫補啲女科學家，買吓化妝品，掃吓靚衫，頒獎禮本月底喺巴黎舉行。
（圖）科大女教授葉玉如成就獲國際肯定，為香港女士爭光。《壹週刊》圖片
傳真︰2623-9278
電郵︰