上海姑爺羅康瑞前晚同記者暢談政改同普選，但八方一班行家就一味關注佢嘅緋聞，猛問佢同「最美麗的港姐」朱玲玲有冇一啲特別嘅交情、雙方認唔認識？奇就奇在羅康瑞又只係一味擺出一副又好氣又好笑嘅表情，勉強答一句：「你哋成日寫，我梗係識佢啦。」講講吓，羅康瑞又自爆話成日同朱玲玲老父打高球，近來事忙少咗，但雙方間唔中會喺球會撞見。
有記者多口問佢，話傳聞朱玲玲家翁、全國政協副主席霍老最近身體抱恙，問身為政協嘅羅康瑞，當然十分敬重霍老，有冇親自問候過霍老？羅康瑞笑笑口話國家領導人嘅健康係國家機密，雖然23條冇通過，但身在北京講啲咁嘢，要小心因住喎。
傳真︰2623-9278
電郵︰