假日流流長，有時都唔知去邊度好，沙田區議會副主席彭長緯噚日就提供咗一個好去處畀八方。
邊度？咪每個星期例牌舉行一次嘅運輸署車牌拍賣會囉。八方噚日晏晝就喺拍賣會見到佢老兄帶埋太太同個仔入場，但係點知見佢坐咗個幾鐘都冇舉手競投。
臨走前彭長緯同八方講，噚日係第一次入場，第一個印象係覺得「啲人（競投人士）好似好多錢咁」。佢又話，一家人齊齊入場，就當係familyday（家庭日），睇嚟彭副主席嘅假日節目真係慳水慳力，諗落又幾適合港人喎。
（圖）彭長緯（右）帶太太同囝囝（左）去車牌拍賣會，但係齋睇個幾鐘都冇舉手競投。
傳真︰2623-9278
電郵︰