民主黨前任主席李柱銘去美國聽證會，安民就連馬丁嘅先父都挖埋出嚟瘋狂謾罵，但市民嘅眼睛雪亮，正義常在人心，八方噚日經過沙田第一城中產重地，見到阿富同班白鴿黨同事企喺度叫咪，賣獎券籌款，阿富話估唔到馬丁效應咁厲害，經過嘅人都好支持，收到兩張大牛，紅衫魚都唔少，重有人特登問，係咪馬丁個黨籌款，問完即刻捐錢。
有啲市民重語重心長咁話：「你哋千奇唔好消失。」言下之意，要頂住啲土共同老左。阿富話，往日籌款，萬幾蚊已經係好成績，噚日有成兩萬幾，多成倍，可見港人好知自己要乜。
白鴿黨籌款，獎品幾騎呢，捐一百蚊，有個馬丁人像或者人權手勢鎖匙扣送，至於抽獎嘅獎品，頭獎係價值三千大元嘅電子手帳，二獎數碼相機，三獎手提電話，三月二十六日抽獎，想買獎券可上民主黨網頁（
傳真︰2623-9278
電郵︰