趙世曾前妻TerriHolladay為未婚夫Paolo懷孕四個月的小生命，上星期不幸小產，熱愛小朋友的Terri沉痛地表示，這是她生命中最悲痛的一件事。而趙世曾亦已致電對方慰問。
趙世曾前妻TerriHolladay早前透露她與未婚夫Paolo遊意大利時造人成功，並計劃將於今個月結婚。本應雙喜臨門，豈料昨日Terri主動致電本報記者，透露上星期不幸小產的壞消息。
Terri以悲痛的語調說：「好傷心，個BB小產冇咗，真係好傷心，呢件事係我生命中最悲痛嘅一件事，我好鍾意小朋友，同Paolo、Roman同BB組成一個家係我的夢想，唔知點解今次會咁？」
Terri續說：「初初知道BB喺意大利同Paolo製造的honeymoonbaby，真係好開心，我平時都好健康，又搵咗好好嘅醫生作準備，真係唔知乜嘢原因。」
Terri透露現在寢食難安，未能接受這個悲痛事實之餘，亦要安慰兒子Roman的傷痛，她說：「𠵱家維持我堅強嘅動力係Roman，佢知道咗呢件事都喊咗好耐，佢一直都想要一個細佬，我𠵱家又要照顧Roman，又要平復自己。」問到Terri日後會否有生育計劃，她表示：「會，我想生十個BB，因為我好愛小朋友，有自己嘅孩子係一件神奇嘅事。」
記者曾致電Terri的前夫趙世曾，他正與Roman在家中，他表示知道此事：「我同佢通過電話，知道咗情況，雖然我平時同佢通電話都淨係講關於Roman嘅事，好少講佢啲私人嘢，不過我知道佢好喜歡小朋友，希望佢快啲調理身體，早日康復。」
採訪：林妙萍
