今日係三八婦女節，和黃前大班馬世民同太太珍妮弗今日會喺外國記者俱樂部演講，馬世民梗係講佢如何以六十三歲高齡徒步往南極。而馬太雖然由於中途撞機，未能成功駕駛直升機繞南北兩極飛一圈，但精神可嘉，值得敬佩。
馬世民出發之前，八方曾經訪問過佢，當時問佢有冇信心，馬世民都話係一半一半，但八方知佢兩夫婦坐言起行，覺得值得一試就會去試，成敗並不重要，當然馬大班最後成功，重為英國皇家地理學會籌得一億三千萬。
「年紀大不等於要日日坐在電視機前度日，要走出去看看世界之大、之美。」馬大班一生熱愛挑戰，不怕艱難，不過，我哋香港人亦有一位民主君子李柱銘，佢喺寒冷過南極嘅政治環境中孤身上路，一樣令人欽佩。
（圖）珍妮弗雖然未能成功駕駛直升機會合馬世民，但佢都有喺南極煮定煙肉蛋等老公。資料圖片
傳真︰2623-9278
電郵︰