李柱銘訪問美國，圓滿成功，返到香港，即時遭到中國商務部副部長安民出言再侮辱，今次安民就連人哋先父都唔放過，同李柱銘三代算帳，話李柱銘嘅先父李彥和將軍，同共產黨鬥爭，因此兩仔爺都唔係好人。
共產黨始終係共產黨，安民呢番刻毒說話，證明喺共產黨嘅「快勞」之中，好多人嘅上一代做過乜，佢會記得一清二楚。即是話，第三任特首梁振英，第日千祈唔好唔聽話，否則，佢喺「六四」期間誹謗中共係法西斯，同埋佢老頭子做過駐守過港督府嘅港英軍裝警察鷹犬，參與過鎮壓香港愛國同胞反英抗暴，呢筆血債，將來隨時計數。
至於廢董，佢亦唔好笑得咁開心。廢董嘅先父董浩雲，係台灣蔣介石小朝廷嘅忠實奴才，佢支船隊，一直頑固扯住支青天白日「狗牙旗」，航行全世界，宣揚「兩個中國」，雖然到廢董呢代先至轉軚，喺安民辱罵李柱銘嘅兇暴眼神之中，呢啲叛國兼反革命罪行，係冇可能一筆勾銷嘅。
李柱銘回應安民，話佢辱及先人，實在太過份。李柱銘又提醒安某，中國前總理兼特務頭子周恩來，曾經邀請過李彥和老先生返大陸共同「建設祖國」。好彩李老先生當年冇上當，否則，睇見安民今日咬牙切齒嘅嘴臉，李彥和若然帶埋未成年嘅李柱銘返大陸，一定一早全家就俾共產黨拉去打晒靶。
呢啲就係胡溫所講「要團結香港各界」嘅統戰真面目。台灣國民黨嘅連戰同宋楚瑜，睇見安民咁嘅樣，就知道若然台灣俾佢「統一」咗，自己啲子孫，有日會俾佢追殺，台灣下一步應該點行，阿扁同連戰，相信心中有數。
李彥和係中華民國嘅抗日名將，喺安民眼中，點解係一名罪人？梗係喇，因為李彥和打日本仔，即是阻礙共產黨奪權。一九七二年日本首相田中角榮訪問北京，毛澤東親口向田中話：感謝日本皇軍當年侵略中國，幫咗共產黨乘亂壯大，奪取政權。為表對日本侵華謝意，毛澤東
至於李柱銘，返到嚟香港，遭到土共策動一班冇厘教養嘅維園阿伯郁手郁腳想施加暴力，令人對佢嘅安全好擔心。八方想呼籲吓廢董同警務處處長李明逵，快啲對李柱銘發出人身保護令，班土共已經愈嚟愈癲，再咁落去，有理由相信係廢董故意縱容暴力。短短六年，香港就變咗一個指鹿為馬、殘害忠良嘅亂世，真係令人搖頭。
傳真︰2623-9278
電郵︰