日前八方出咗張董太同兩位女士握手嘅大相，但冇交代相中揚威舞蹈比賽女士是誰，其實就係已故船王包玉剛嘅千金陪慶同陪麗。
包玉剛爵士膝下無兒，四個女（由大至細）陪慶嫁奧地利人蘇海文，陪容嫁吳光正，陪麗嘅丈夫係日籍建築師渡伸一郎，而陪慧嘅前夫係鄭維健，包家身體力行國際化，真係威威。
船王四位女婿一直有幫手打理家族生意，同樣係船王之後，人哋吳光正就完全冇敗過家。有一個講法話吳生一直有意問鼎特首，重得到胡應湘爵士公開稱許，香港已經俾個船王敗家仔搞禍，轉吓莊，畀個守得住業嘅做，都好嘅。
吳光正喺商界出名係獨行俠，好處係冇乜利益衝突。經上次一役輸咗畀董建華，八方聽聞吳光正正在卧薪嘗膽，今次特區文革，佢一句聲冇出過，冇好似另一熱門梁振英咁發狂亂咬人，呢一點都幾得人好感。
傳真︰2623-9278
電郵︰