減磅平治SLK55AMGF1賽安全專用車

正當那邊廂舉行嘅瑞士日內瓦車展，德國平治汽車在場內展出新一代SLK及Facelifted新版C-Class嘅同時，呢兩款新車原來已經成為新一屆F1賽事嘅安全車及醫療車輛。

記者：鄭達基

其中用作賽道安全車嘅全新SLK55AMG，喺未正式落場使用前，廠方已為其進行多項改裝，當中為要增強高速行車時嘅對地抓着性，特別為其換裝上全新19吋AMG超輕合金跑車胎軨，連前輪235/35R19及後輪265/30R19高性能輪胎，循迹表現明顯有所增強。

減磅車強化制動
另外，由於車子要於短時間內到達意外現場，故此有關方面特別將車上不必要嘅配備拆除，從而將車重下調約100kg，連帶制動系統亦被強化。但最惹人注目嘅地方，會係車上一台可輸出360匹馬力嘅5.5公升V8偈，佢不但能夠令車輛由靜止起步加速至100km/h，需時約5秒以下外，廠方更特別為其改良散熱系統，務求令呢台引擎會有更佳表現。

闊尾廂載急救品
至於被用作醫療車輛嘅C55AMGEstate旅行車，不但與SLK55AMG一樣裝有能發出訊號嘅車頂閃燈，闊大尾廂更可盛載急救用品替傷者作初步治療。