八方早兩日知道《成報》嘅行家，獲得東方魅力大股東覃輝通知，話呢個禮拜五有糧出，八方都戥佢哋高興。
不過，揸住《成報》嘅控股公司現代旌旗噚日發咗個通告，話覃輝只係表示可能以無抵押貸款方式借錢畀現代旌旗，但並無任何書面承諾。
𠵱家八方都有啲矇查查，個通告嘅意思係咪借錢就應承咗，但就重未畀到手呢？
個通告重披露咗一啲資料，原來𠵱家現代旌旗最大單一股東係東方魅力，揸住接近兩成股權，另外一位名叫任建宏嘅人係第二大股東，揸住接近百公之七嘅股權。
其實呢位任建宏先生係東方魅力嘅執行董事，又係中影星美院線嘅副總經理，呢條院線由中國電影集團公司，同埋覃輝嘅星美傳媒共同投資成立。
傳真︰2623-9278
電郵︰