鄭伊健與三名港姐曹敏莉及戚黛黛等，昨日齊齊出席在大埔舉行的「山頭霸王」越野馬拉松起步禮。現場所見，伊健甚受參賽者歡迎，甫到埗即引來陣陣歡呼聲。伊健向來喜愛戶外活動，問到他為何不參賽而只擔任嘉賓時，伊健說：「我都好想參加，可惜我超齡，參賽者要係二十五歲以下。」
有記者提議伊健可以家庭組身份參賽時，他笑言自己還未有家庭。再問伊健可有考慮與女友梁詠琪一起參與類似活動？伊健說：「唔會啦，佢唔可以曬黑嘛，要拍廣告。」
伊健又透露閒時亦會行山，近日出現不少行山遇扑頭黨搶劫的個案，問到伊健會否減少這類戶外活動時，他說：「惟有小心啲，我通常都係同一班朋友去，其實做乜嘢都會有危險，最緊要自己警惕性高啲，樣樣都要小心。」
採訪、攝影：胡比