由寰宇公司所舉辦的《伙頭智多星》劇集女主角招募大行動，昨日十位入圍少女於葵涌與男主角羅嘉良會面，其中來自北京電影學院的趙薇師妹陳奕池更即場與羅嘉良對戲。
嘉良大讚女方演技不錯，他說：「佢都唔錯，不過要再睇吓先，我哋今次揀女主角都好緊張，好多人話佢似舒淇，我就覺得佢比較似梁琤。」
被羅嘉良點名稱讚的陳奕池，亦自言視對方為偶像，問到會否希望與嘉良拍親熱戲時，她說：「我也希望，因為他是我的偶像。」在十位入圍者中，年紀最細、只得十六歲的江玲被指貌似Twins的鍾欣桐（阿嬌），寰宇老闆娘林太亦對她印象甚佳。
現任有線娛樂台主持梁嘉琪也入選，不過昨日無綫節目《娛樂大搜查》到場採訪時，刻意避開不將她攝入鏡。
另外，問到羅嘉良可知無綫與藝員實施「一年一騷」制，他說：「都唔係今日嘅事，既然係TVB嘅決定，我不便批評，對我就冇乜嘢影響。」