海港城噚日同專辦內地香港遊嘅旅行社合作，請咗女子十二樂坊化妝師NaviLam，重有同多名藝人設計髮型嘅郭子輝，親自同團友示範今夏流行嘅靚妝同髮型。慕名跟團來港嘅杜小姐話，「自己做廣告，美感好緊要。每次嚟香港買化妝品，起碼三五千蚊。今次知道有大師級化妝同髮型師做示範，用四百蚊跟個兩日一夜團嚟學嘢。」
原來，自由行逐步開放，對專搞內地香港遊嘅旅行社打擊好大，所以一定要諗橋救亡。
商家佬一向話女人錢最容易賺，內地女人亦唔例外，睇佢哋搞呢個扮靚團反應咁好就知啦，如果旅行社繼續有好橋，都唔怕冇生意做。
（圖）喺廣州做廣告嘅杜小姐，專程跟團來港，接受名師嘅化妝示範。
傳真︰2623-9278
電郵︰