噚日八方喺金鐘太古廣場撞到胡應湘老婆胡郭秀萍行街。胡太話，啱啱陪完老公去北京，「我哋喺北京重食北京填鴨，上面冇嘢㗎，禽流感成日都有㗎啦，我都冇停過食雞，我喺香港日日食雞……胡生都有食。」至於香港啲雞販罷巿，胡太就睇得好閒，「唔怕，點會啫！唔通唔做生意咩？」胡應湘早排「吳三桂」言論名噪一時，一問胡太佢就耍手擰頭，話冇睇報紙兼唔識。
胡太連老公喺出面講啲乜都話唔知，真係謙。俾人話鸚鵡學舌講愛國嘅政制事務局局長林瑞麟就冇咁謙喇，佢噚日去君悅祝賀香港女童軍總監李張慧美嫁女，又開口教人，今次講夫妻之道，話要「相敬如賓」。其實佢早排嗰句「愛國係一生嘅承擔」，減咗個「國」字，用嚟講結婚重好啦。
（圖）胡應湘老婆胡郭秀萍對雞販罷巿睇得好閒。
傳真︰2623-9278
電郵︰