有報道指張燊悅近月搭上年輕銀行才俊，更升格搬往月租四萬元的半山豪宅。張燊悅昨日到中環出席美容店開幕活動，她以私事為由，拒談戀情，戴上FranckMuller名表的她又透露明天赴法國欣賞時裝騷，身價大為不同。
張燊悅和混血名模AnaR.昨日在中環IFC，為美容品牌EsteeLauder新專門店主持剪綵開幕禮。早前有報道指張燊悅與雷頌德分手後，搭上年輕銀行才俊Desmond，收入一般，卻搬住月租四萬元的山頂豪宅。
昨日身穿黑色喱士吊帶裙的張燊悅風騷地說：「我呢排愛上成熟打扮，可能自己成熟咗，或者潮流又轉咗啦！」問她與新男友戀情發展，她即說：「冇呀，呢啲我唔回應，係我私事。啲周刊又話要踢爆我，都冇證據，又影唔到相，日日跟住我玩捉迷藏，搞到我好似黐線婆、唔係人咁。」
張燊悅又表示其實上年底已搬屋，她說：「搬咗好多個月啦，因為媽咪鍾意住九龍，我就鍾意住香港，之前都講咗好耐話分開住。」
問張燊悅支付四萬租是否相當吃力？她即時慣性瞪大眼說：「梗係唔係四萬啦，若果我孭得起就唔入娛樂圈啦，嗰度兩萬幾蚊啫。」
張燊悅又表示早前被拍得用LV袋，其實是女性朋友送贈。不過，昨日所見，她戴FranckMuller手表，更表示明日將飛往法國欣賞時裝騷，生活富泰。
採訪、攝影：DebbieLum
