記者探訪姜伯當天，他剛從醫院回來。「兩隻腳嘅關節痛得好厲害，啱啱至睇完醫生，攞咗啲止痛藥。」臉色蒼白的姜伯歎道。
七十歲的姜伯，一生充滿傳奇，原籍上海的他，在內地大學畢業，當過醫生，八十年代初獲發單程證來港定居，在香港開設了一間貿易公司；可惜好景不常，他因為一宗中、港、台生意糾紛，最終於一九八七年被逮捕入獄，度過了十五年鐵窗生涯。
回望往事，姜伯欷歔不已。「好似發咗一場夢咁，所有財產被充公，出番嚟之後，乜都冇晒。」姜伯前年出獄後返回香港居住，自此靠綜援金維持生計，妻兒則留在內地生活。
由於經濟拮据，姜伯目前棲身舊區唐樓板間房，許多家具也欠奉，他現時最急需一部洗衣機。
「近年身體好差，除咗風濕關節痛之外，重有肺病，早幾個月至因為肺炎住咗一輪醫院，所以晚晚彎低腰用手洗衫嗰陣，覺得好辛苦。」
姜伯慨歎，綜援金每月僅有二千二百餘元，連基本開支也難以應付，委實無力自掏腰包購買昂貴的家庭電器。你願意捐助姜伯解困嗎？
捐款編號：C1303
暖流熱線
電話:29908688
傳真:23702192
電郵:
網址：