政協開會，今年氣氛特別high，全國政協委員李國強建議喺北京或者香港搞個「一國兩制」博物館，摷番晒鄧小平以前有關一國兩制嘅言論、中英關於香港前途談判、聯合聲明，同埋香港澳門回歸嘅文字、圖片、實物等等資料出來展覽，李國強話咁樣做可以向二千三百萬台灣同胞宣傳，促進祖國統一。但通常一樣嘢消亡咗先至有博物館，例如恐龍，唔通李國強嘅意思係「一國兩制」已經冇咗生命？
不過，咁亦係好事，因為又可以創造多一百幾十個看更、導賞員等等就業機會，最好搵埋林公公做館長，因為佢最叻重複中國官員講話，遊客有乜唔明，林公公一定解答得好詳細，一於咁話喇。
傳真︰2623-9278
電郵︰