滙豐控股集團周一公布業績，同時發表去年年報，資料豐富，傳媒寫到噚日都有料可用，八方睇到一啲外國通訊社喺年報執住一項資料嚟寫，就係滙控舊年三月接管美國金融公司Household（HI）後，佢哋作出政治捐獻嘅活動情況。據年報稱，HI去年共作出五十四萬美元政治捐款，但自十月起就停止所有捐款。前年，HI作出六十二萬美元政治捐獻。通訊社重搵埋滙控回應，發言人話滙控一向非政治化，所以唔會作政治捐獻。不過，由佢哋員工成立嘅內部委員會，仍可集合員工自發捐款予各項選舉候選人。
傳真︰2623-9278
電郵︰