女子十二樂坊極速走紅亞洲後，最近由十四名少女及兩名男創作人組成的芳華十八旋風襲港。日前芳華十八抽空暢遊海洋公園大玩海盜船及跳樓機等，其中以孖女張拓及張碩最受歡迎，獲途人邀合照和索簽名。
由十四女兩男組成的芳華十八，因組合名字與女子十二樂坊差不多，難怪街上有人會誤以為她們是女子十二樂坊。日前芳華十八來港宣傳，更趁公餘時間到海洋公園遊玩一番。
十六名成員當日大清早便出發，帶着興奮心情抵達海洋公園，十多個女仔七嘴八舌嚷着說：「我要玩機動遊戲，嘩！個跳樓機好刺激啊！我一定要玩。海盜船都好啊！可以十幾個人一齊玩嘛！」
他們隨即乘坐吊車往機動遊戲區，途中不停拍照留念，引起途人注意。
其中有路人更大叫：「嘩！好似係女子十二樂坊喎！乜佢哋嚟咗香港咩？喂，好似唔係喎！有對孖女嘅！係芳華十八，我認得嗰對孖女。」之後不斷有歌迷上前向孖女索簽名及要求拍照。
在樂隊中負責笛子演奏的孖女張拓及張碩表示今次並不是首度來港，姐姐張碩說：「之前都嚟過香港幾次，每次都係嚟香港嘅校園演出，十幾歲就學吹笛，我同妹妹都好鍾意吹笛，我哋兩個經常都會出國表演，去過歐洲、匈牙利、奧地利，嚟緊我哋樂隊會出碟，五月會喺香港開演奏會。」問到被途人誤認是女子十二樂坊會否介意時，妹妹張碩說：「唔介意，遲啲啲人咪識我哋囉！」
採訪：楊潔雯
攝影：陳偉權
