去年江芷妮因與玩具大王蔡志明睇古董家具，跟對方扯上關係，早前她又被發現與蔡志明姪兒Gary同遊美國，江芷妮日前表示沒有因緋聞而跟Gary斷絕交往，因大家都有共同嗜好及話題。
江芷妮去年被雜誌拍下與身家近四十億的旭日國際集團主席、有「玩具大王」之稱的蔡志明，逛跑馬地古董家具店，近日她遷入市價近八百五十萬的南苑豪宅，又自出自入蔡志明的旭日國際中心；今年初，江芷妮再被發現與蔡志明姪兒Gary同遊美國拉斯維加斯，可見她與蔡氏家族關係密切。日前江芷妮接受訪問時表示，當日陪蔡志明睇家具，其實Gary也在場，只是傳媒認不到他。
江芷妮說：「我同Gary係幾熟嘅朋友，同佢熟係因為大家都鍾意車，我哋成日都傾車嘅話題，我哋唔係拍拖，一來佢細過我，二來佢有女朋友，三來佢都冇追過我，我唔想借人哋個名宣傳。」
但江芷妮表示不會因緋聞而避見Gary，她說：「我哋冇乜點避忌，冇嘢怕乜啫，做呢行已經難識朋友，重要因報道而避忌，咁就冇乜邊幾個可以做朋友啦！」
這大半年來，江芷妮的名字都跟蔡氏家族成員扯在一起，問她可擔心被認為貪慕虛榮、恨嫁有錢人的女星？她笑說：「我冇諗過要用錢去衡量愛情，就算結咗婚都要靠自己，唔好諗住有男朋友就等於搵到張長期飯票。」
談到擇偶條件，江芷妮說：「要對我好、高過我同叻過我，但我一定唔會做第三者，因為我唔可以同人分享男朋友，亦接受唔到第三者呢個稱號。」
採訪：朱倬誼
攝影：陳慧安
化妝：Annie.G.Chan
髮型：HongWong（Rendez-vous）
服裝：KOOKAI
場地：Bamboo
