劉德華與加際娛樂的訴訟不斷，劉德華以個人名義，與其相關公司A&DLimited曾於前年六月二十七日，與加際娛樂簽了唱片合約，劉及該公司昨入稟高等法院，指加際娛樂毀約，要求法庭確認合約已告終，並下令加際娛樂賠償其損失。
華仔前晚在將軍澳電視廣播城接受訪問時，被問到有雜誌報道加際欲與他和解，華仔說：「件事未交畀律師之前，我畀咗好多次機會對方面對面傾，但佢哋都唔肯解決，𠵱家交咗畀律師，我就會貫徹始終，用正途去解決。我唔知喺庭外傾，要負上啲乜嘢責任，所以雙方最好唔好私下聯絡。」加際亦已把華仔的唱片母帶交還。
至於有傳華仔會與林建岳合資開公司，他否認說：「我以後都唔會同人合資，唔想自尋煩惱，唔想再攞對人嘅信任嚟玩，好無謂。」至於有否其他唱片公司向他招手，華仔說：「或多或少都有人搵，等加際件事清晰啲先啦，我唔會貿貿然為出碟而妥協，𠵱家要向啱嘅方向做。」
案件編號：HCA498/2004
採訪：胡比 攝影：陳烱威