近排經紀黃成日同小初講金手指，真係聽到有啲悶，不過今次佢唔係叫小初跟金手指買貨，而係叫唔好追貨，認真夠特別。
早排經紀黃提及金手指增持威高國際（1173），股價可以看高一線。金手指密密吸納，現時竟然揸到10.12%，做埋主要股東。
不過，金手指嘅吸納行動，搞到威高公眾持股量不足，皆因威高大股東本身已經揸咗67.53%，公眾持股量得番22.35%，低過最低的25％要求，睇嚟唔係大股東減持，就係要金手指減持。
因此，就算威高股價噚日受金手指增持消息刺激上升，但經紀黃都叫小初睇定啲，等人哋搞掂公眾持股量後，先至再決定追唔追。
威高噚日一度高見0.243元，收0.237元，雖然仍升7.24%，但高位明顯有沽壓。
另外，自從廣興國際（1131）被廉署調查後，傳聞好多芬佬家陣都避嫌，唔再買細價股，搞到好幾單配股行動要窒住。不過，業績靚仔嘅金衛醫療（8180），近期每日都升幾格，傳聞想話搞配股。
慕容小初