陳慧珊（Flora）最難忘加入娛樂圈時無助的經歷，她由對中文隻字不通學習到可以自我閱讀，全靠她肯做「問題女人」，Flora在電視城不斷向人發問，就連掃地阿嬸都不放過，結果終於捱出頭來。
陳慧珊（Flora）從美國回流香港後，加入明珠台擔任資訊節目主持，後來獲無綫前監製鄧特希賞識，接拍第一套劇集《壹號皇庭》。劇集播映後廣受歡迎，Flora更成為無綫一姐，但這套劇集卻為Flora留下辛苦又難忘的印象。
Flora起初拍劇時遇到最大的障礙是語言問題，她不僅看不懂中文，對中國文化更是一竅不通，當時人生路不熟的她身邊沒有朋友相助，但這卻把Flora磨練得更堅強。Flora說：「我嗰時喺電視城見人就問，服裝姐姐、化妝師同掃地阿嬸都唔放過。我第一套劇就要扮食煙，又要同師奶殺手陶大宇做對手戲，記得有三頁紙對白係要我鬧佢，嗰晚因為我成晚NG，都唔知幾難受，打擊咗我嘅自信心。」
時至今日Flora已經將所有問題克服，她說：「我由唔識中文學到識，由唔習慣冇得瞓去到可以唔瞓，好多嘢未試過嘅我都已經試過，我自己嘅抱負同目標就係向唔同嘅目標進發。」
擁有鬼妹仔率直爽朗性格的Flora，深受男士愛戴，她離婚後身邊一直不乏男伴，先後跟陳豪及現任經理人鍾家鴻（Mike）傳出緋聞，惟Flora每次都矢口否認，並多次在公開場合表示無人追求。現時Flora跟前夫鍾偉明再見亦是朋友，提及到現時兩人的關係時，Flora說：「同佢仍然係好朋友，大家都當對方係屋企一分子，好錫大家。」
採訪：卓寶花攝影：仇志德
場地提供：滄浪庭京川滬料理
