小小超李澤楷嘅電訊盈科噚日公布業績派成績表，但大家其實對佢超速駕駛，十六個月被扣十六分要停牌三個月，又唔親自出庭呢單嘢更感興趣，可惜楷仔冇露面，冇得直接問佢。
八方有位接近小小超嘅老友話，其實楷哥喺外地公幹趕唔切返嚟，並唔係有心唔親自出席聆訊，佢噚日一落機，就同啲老友話：「以後都唔會開快車，亦唔會超速。」真係好有悔意咁，唔知裁判官接唔接受，由律師代表佢上庭。
八方心諗，扣滿分停牌唔係乜醜事，小小超何不親自上庭免落得成為人家話柄呢？橫掂有司機接送去法庭，做個好榜樣畀香港年輕人睇啦！不過，如果佢出庭，當然會迫爆東區裁判法院。
（圖）據講小小超喺外地公幹趕唔切返嚟，至唔可以出席聆訊喎。
傳真︰2623-9278
電郵︰