哥頓胡應湘身在北京出席政協會議，不改老頑童本色，有時同記者鬼咁多嘢講，有時又收埋收埋玩封嘴，好似噚日下午開完一輪政協小組討論，成班記者湧埋哥頓身邊想佢講兩句，點知佢耍手擰頭急急腳入電梯，一邊念念有詞，話驚老婆鬧。
胡慧中大頭蝦
有記者笑佢話怕老婆會發達，原本睇住電梯門徐徐關上嘅哥頓忽然興起，將個頭伸番出去，笑住話，係囉，所以何鴻燊咪發咗四次達囉。
同樣身在北京嘅何志平，八方唔知佢怕唔怕老婆胡慧中，不過就目擊到何太原來好大頭蝦，話說噚日上午何太同阿董同一班機飛北京，專程會合已經身在北京嘅政協局長夫婿，離起飛唔夠五分鐘時，八方見何太突然喺幾位差人哥哥陪同下，由飛機上氣沖沖咁撲返去候機室，原來佢漏咗個名牌黑皮手袋喺候機室，好在冇人貪心，最後物回歸原主。
（圖）哥頓唔肯講嘢時就用「驚老婆鬧」嚟回應記者，有時又鬼咁多嘢講，真係一時一樣。
傳真︰2623-9278
電郵︰