唔敢講復合　怕咗第三者
任葆琳：中間嘅辛酸邊個知？

韓君婷、蔣怡和Rosemary等昨日為皮具店開幕行騷，任葆琳都有出席活動。對於被拍得與分手男友胡驊蹺手逛商場，情到濃時任葆琳更主動吻胡驊臉頰，任葆琳昨日避答是否已復合，更慨歎在感情方面經歷辛酸有誰知。

德國皮革品牌Lloyd昨日在尖沙嘴的專門店舉行開幕活動，請來韓君婷、Rosemary、蔣怡、周汶錡及吳嘉龍等任模特兒行騷，蔣怡男友翁狄森特別設計名為「孔雀開屏」及「龜的不撓」鑽石高跟鞋，並由蔣怡和周汶錡示範。
任葆琳亦有出席活動，本報早前拍到她與前男友胡驊拖手約會，情到濃時任葆琳更主動吻胡驊面頰，她昨日回應說：「唔係kiss，係張相嘅角度問題啫。」

「唔想變是非精」
問任葆琳是否復合？她表現甚為抗拒說：「我唔想講咁多，因為涉及好多複雜問題，多講我怕又有第三者出嚟講嘢，我唔想變是非精，我喺中間嘅辛酸又有邊個知？總之，我𠵱家生活愉快，同胡驊係朋友，經常有聯絡。」

「冇做過虧心事」
胡驊以往曾跟名模李嘉慧拍拖，更有指任葆琳介入二人的感情，以致三人關係複雜，任葆琳昨日說：「其實胡驊同李嘉慧分開咗幾年之後，我哋先開始㗎，我冇做過虧心事。」
而Rosemary穿上紅色羽毛bratop，外披西裝褸以男性打扮行騷，韓君婷則以性感tubetop、短裙示人，搶去不少風頭。韓君婷表示不覺性感，她說：「平時着泳衣咪重性感，今次我哋同男模特兒都係分房換衫，我太忙都唔得閒昅其他模特兒。」
採訪：IngridChan
攝影：RickyChan