西班牙靚仔歌手EnriqueIglesias，除咗花上大部份時間同俄羅斯網壇靚女古妮高娃（AnnaKournikova）拍拖之外，其實都好注重佢嘅音樂事業。好快就會嚟香港開騷嘅Enrique，早排就邀請咗黑人女歌手Kelis合作新歌《NotInLove》，佢重喺MV度玩𠝹女，簡直開正佢嗰瓣！
喺下個月六號就會首次嚟香港嘅會議展覽中心開演唱會嘅Enrique，為咗配合即將舉行嘅亞洲巡迴，稍後就會重出大碟《Seven》嘅亞洲特別版。而呢首《NotInLove》就係為咗新碟而設。
今次Enrique搵嚟Kelis合作，個MV裏面少不免大晒佢嘅拉丁魅力，首歌係講佢喺間酒吧度表演，點知周圍嘅靚女令佢慾火焚身，結果佢就顧住同包括Kelis在內嘅大班靚女隊酒調情，搞到連歌都唔唱㖭！
講開Enrique嚟開騷，其實好快嚟香港嘅藝人，重有下個星期三亦會喺九龍灣國際展貿中心開騷嘅英國樂隊Placebo，此外，日本著名音樂人小松亮太、葉加瀨太郎和加古隆等，將在下周三及四，假灣仔伊利沙伯體育館舉行liveimage音樂會。