五十歲的譚珍，為給予家人安穩生活，勞碌半生，日前卻不幸遇上奪命工業意外慘死，遺下一對在學子女。阿成痛失愛妻，不僅對他造成難以彌補打擊，更令本已緊絀的經濟雪上加霜。蘋果日報慈善基金即時撥款助阿成解決殮葬亡妻的困難。
事隔大半個月，阿成對於妻子譚珍無端慘死，仍顯得耿耿於懷。「𠵱家意外原因重係一個謎。阿珍份工唔係搵得多，就咁冇咗條命真係唔抵。我哋結婚二十幾年，感情一直好好。阿珍份人好慳儉，原本諗住做多幾年就可以享福，今次佢真係可以話係捱到死。」阿成沉痛訴說。
阿成表示，其妻阿珍受聘於一間清潔公司，該公司承包了中華電力公司的清潔合約，其妻多年來均在屯門龍鼓灘發電廠從事清潔，月入四千多元。
意外發生於上月十八日下午，當時正值午膳時間，同事發現阿珍在機房被一道巨型電閘夾住，昏迷不醒，即時致電報警將她送院搶救，惜已傷重不治。
「當日我收到太太領班通知，佢話我太太俾道門夾親，我唔知咁大件事，去到醫院先知太太已經唔喺度，當時我好激動，好難接受太太突然之間離開我嘅事實，仔女最初幾日心情都好差，呢幾日至好番啲。」五十三歲的阿成說。
阿成與妻子結婚二十三年，育有一子一女，二十歲長女及十六歲幼子分別就讀中七及中五。
阿成表示，一家四口原居於公屋，三年前他們向政府首次置業貸款計劃借貸五十萬元，買入屯門一個居屋單位，月供三千多元，他們打算「公一份婆一份」捱夠二十年，便可安享晚年，同時子女亦有一個永久安身之所，沒料到如今驟生巨變，令他陷入進退兩難困境。
「以後靠我一個人去供樓，負擔真係好重，就算親戚朋友肯幫手，都唔幫得我一世，最慘仔女又未出身。」阿成苦惱地說。他現職電器推銷員，收入低微，難有積蓄。
阿成近日正為籌辦亡妻身後事四出奔波，另在工業傷亡權益會協助下向僱主爭取賠償。蘋果日報慈善基金於「殮葬專戶」撥款一萬五千元給阿成，助他辦理亡妻身後事，解眼前燃眉之急。
捐款編號：C1298
暖流熱線
電話:29908688
傳真:23702192
電郵:
網址：
