現時最「潮」嘅話題莫過於愛國，彤叔鄭裕彤旗下嘅新創建集團好識跟潮流，最近整咗一系列新廣告，嗰句「為人民服務」嘅宣傳口號，非常祖國情調。新創建集團傳訊總監關則輝噚日見到八方都笑笑口話，「夠晒政治正確啦。」新創建噚日特登喺灣仔會展嘅金紫荊廣場搞咗個記者會造勢。
講開新創建，佢哋有好多業務都同大家息息相關，包括城巴、新巴、物業管理、清潔公司等，唔怪得關則輝話，「𠵱家興愛國，我哋做服務行業，唔好話服務邊個，一句講晒『服務人民』」。
呢個廣告會擺喺新世界中心、愉景新城、新巴同城巴車身等，總之全部都係「自己」地方，慳番幾十萬蚊買廣告位嘅錢。
（圖）新創建宣傳海報上面嘅人像，都係以旗下員工做藍圖，唔係憑空想像。
傳真︰2623-9278
電郵︰