麥浚龍（Juno）近日為容祖兒作了一首新歌，被指借女方宣傳，昨日問到祖兒會否演繹那首歌時，她卻有所保留地說：「我唔想太直接講，你哋唔好跣我。」
麥浚龍早前公開為好友容祖兒作曲，他日前已把作品交給祖兒，但最終是否會選用新歌，還是要由祖兒的唱片監製決定。不過祖兒似對採用Juno新歌有所保留。
祖兒昨日在機場禁區內為機場的購物廊宣傳時說：「Juno唔單止作咗歌，重填埋詞，但要問監製會唔會用，我都好欣賞佢咁有天份。」至於是否喜歡Juno作的歌？她說：「我唔想太直接講，你哋唔好跣我，總之我好欣賞佢勤奮同好學不倦嘅精神。我希望隻新碟風格統一，唔想好似好『兀突』（編按：應為「突兀」）。」祖兒是否想以「核突」形容？她急急地說：「唔係。」
問祖兒可覺Juno借她宣傳？她說：「幫到人哋冇所謂，有麝自然香。」那可覺Juno有追求之意？她說：「唔好兜到咁遠，咁樣聽日咪講到結婚，黐線。佢作畀我嘅係一首失戀歌。」記者取笑戀愛未開始便失戀，祖兒說：「ＯＫ啦，我安慰佢囉！」記者表示Juno很欣賞祖兒，她又說：「咁識貨呀，大家忽略咗我呀，我有實力。」究竟對Juno可有興趣？祖兒說：「佢係我一個朋友、一個同行，ＯＫ啦。」
Juno昨日到商台接受訪問，他表示本月十八日便二十歲生日，並打算整個月有慶祝活動。問Juno有甚麼生日願望？他說：「希望今次新出嘅唱片成績好，事業順利同埋搵番個女友，因為我都未拍過拖。」未拍過拖豈不是仍是處子之身？Juno顯得很尷尬說：「好尷尬喎，點答呀。」
採訪：駱華齡、胡比
攝影：何國豪
