恒生繼續提高透明度，佢位大班鄭海泉同八方講，銀行會快人一年，喺本月發出嘅年報裏面公布所有董事薪酬，「到時我、莫偉健（恒生總經理）有幾錢人工、幾多股票，你哋都清楚晒。唔好問我……我都唔明，點解唔可以有啲私隱？」
呢樣咪係企業管治囉，起碼股東知你出幾錢糧嘛。不過，問到有冇計劃再戰政壇，泉叔就斬釘截鐵話：「冇！我退咗休，唔知幾開心。等佢哋搞……不過重未有人同我拉票，你哋知唔知𠵱家邊個選呢？」
雖然唔參政，不過泉叔對社會事務仍然關心：「我唔贊成加稅……若果政府將開支佔GDP比重降至百分之十六，加稅無可厚非，但係喺冇軍事、外交同外援嘅情況下，仍高企喺兩成二，要加稅就講唔過去。」
傳真︰2623-9278
電郵︰