立法會議員馮檢基早前立志做「體重控制大使」，噚日見醫生睇檢查報告。結果阿基嘅血壓比正常高出五倍（喺現時嘅文革氣氛之下有咁嘅病徵一啲唔奇），糖尿就高過正常三倍，膽固醇亦較正常高出八成。負責同阿基檢查健康狀況嘅香港肥胖醫學會執委唐俊業醫生話，「阿基成個大肚腩，好明顯係中央肥胖。如果再唔理佢，繼續肥落去，好有機會引起糖尿病。」
阿基話自己肥，但係唔使驚，雖然人怕出名豬怕肥，不過國家中央屠宰，阿基榜上冇名。
營養師Wallace希望喺十二個星期內，將肥仔基嘅體重由七十六公斤（約一百六十七磅）減到六十四公斤（約一百四十一磅），「會安排馮生每日食五、六餐，但係每日只准佢食一碗飯，重有唔准食煎炸嘢。每朝重要做成個鐘頭運動。」
（圖）馮檢基成個大肚腩，醫生話係「中央肥胖」喎！
傳真︰2623-9278
電郵︰