美股周一晚全面回升，趙飛雲心諗港股昨日跌幅有限，誰知尾市突然大插水，期指半粒鐘內大跌200點，恒指跌幅亦擴大至187點，收13731。
趙飛雲周圍問消息，有人話中移動（941）批股，有人話中東出現大鑊嘢，有人話資金流走。但除咗伊拉克確實出現爆炸事件外，其餘兩單未證實係堅料，唔排除有人出口術「做世界」。
不過，恒指日線圖一早已發出3頂背馳的警號，港股出現技術調整並不出奇。滙控（005）公布業績日，港股走勢出現反高潮，似是大戶變臉做淡友，港股轉吹淡風的訊號，但港美股市基調良好，短期縱有調整，中長線仍看升。讀者不妨趁港股調整，暫時離場觀望，休養生息。事實上，炒股票是非常損耗心力的遊戲，有時贏了金錢亦會輸了健康。
趙飛雲要看滙控業績，結果亦付出代價，昨日尾市急急忙忙沽出滙豐Call輪9274，一番心血，半番盡付流水，如果不是在滙控公布業績前先沽一半食胡，則肯定白做。炒股票上車容易落車難，沽得早，損失往後一大截，沽得遲，則可能由贏變輸，分段獲利似乎是較可取方法。
昨日不少人問滙控後市怎樣？趙飛雲踏入股市以來，一直很少掂滙控正股，原因很難講得清，但回頭看則覺得好似辛棄疾《青玉案》一詞所講：「眾裏尋他千百度，驀然回首，那人卻在，燈火闌珊處」。
直至今日，滙控仍是有買貴無買錯的股票，今年改為每季派息，對於以收息為主的投資者更是吸引。雖然明年盈利或者難再維持大幅增長，大行的報告睇法亦不一致，但看好港股後市，實毋須急於沽出。
趙飛雲