唔通曾蔭權咁就嚇病咗？當奴噚朝早重精神奕奕喺政府總部接請願信，點知十點幾開完行會，突然覺得唔舒服要睇醫生，原來佢患咗腸胃炎同感冒，又有少少燒，醫生寫咗兩日病假，叫佢好好休息，星期四應該返得工，因為老董要上京開兩會。
八方聽聞，自從土共開炮，煲呔啲咳未好過，加上佢鬼咁勤力，星期一去佛山拜訪，唔知有冇食野味，返嚟又驚聞馬丁要去美國出席聽證會，你話冇病都嚇病，將來阿爺冇理性，係唔係都一棍掃落嚟，煲呔帶罪立功，無疑係增加咗難度。
當奴請病假，國泰航空陳南祿俾佢打亂陣腳。事關當奴本來噚日下晝搭國泰機到北京，出席國泰慶祝北京復航嘅儀式，最後都去唔成。
病咗冇法啦，原訂同國家發展和改革委員會副主任張國寶嘅禮節性會訪，只好取消。
（圖）當奴噚朝重精神奕奕接請願信，點知開完行會就要睇醫生。
傳真︰2623-9278
電郵︰