張佩金在上海遇上交通意外嚴重受傷，她的母親昨日探望完愛女後即時眼濕濕，情況令人擔憂。而張佩金男友的哥哥則指張佩金傷勢有進展，她的唱片公司亦趕製其第二張唱片，以籌醫藥費。
落選亞姐出身的歌手張佩金，上周六凌晨在上海遇上嚴重交通意外受傷，被送往上海公利醫院急救，至今仍未度過危險期。
張佩金昨日要再度插喉幫助呼吸，而在愛女出事以來一直表現堅強的張母，昨日傍晚與另一女兒到醫院探望完張佩金後眼濕濕，不禁令人擔憂張佩金的情況。記者及後追問張佩金胞妹，她無奈地說：「都係好嚴重！」而今日張母會到上海著名的玉佛寺為愛女祈福。
而張佩金唱片製作人溫先生昨日到醫院探望時說：「其實所有歌已經錄好，出第二張唱片係佢心願，所以老闆（張佩金男友Harry）話要盡快推出，希望一個月內完成，到時我哋會攞埋張唱片上嚟播畀佢聽，等佢早啲好番，而賺咗嘅錢留嚟做醫藥費都好吖。」
此外，林曉培與Harry的哥哥Philip昨日分別接受新城訪問，林曉培說：「現時Samantha（張佩金）的情況仍在觀察中，沒有意識，身體有很多處地方內傷，腹腔與胸腔損毀。」Philip則說：「Harry胸骨裂咗，好彩冇乜問題，Samantha重要觀察，未算清醒，只係有小小反應，醫生每日都有檢查，但就冇傾過進展，Harry好擔心，Samantha屋企人情緒都算好咗啲，醫生同大家都抱樂觀態度。」
張佩金前年晉身歌唱界時，曾自爆某次在朋友介紹下與許志安和蘇永康等到卡拉OK消遣，當晚安仔被指主動問她取電話號碼，更揚言會相約她吃飯。安仔昨日接受商台訪問時說：「希望佢冇事啦！我自己都啱啱喺廣州拍完廣告返嚟，高速公路好多對頭車，我都有叫司機開慢啲。」問安仔可會致電問候時，他頗愕然地說：「吓，我都冇佢電話，希望佢早日康復啦！」未知安仔有多久沒跟張佩金見面？他說：「根本冇見過。」
採訪：駱華齡、何永寧（上海）
攝影：駱華齡、黃文偉（上海）
