小初近日發現，原來金手指亦會認購新股。上市3日的山東威高股份（8199），上市之前聲勢強勁，原來金手指一早要咗1700萬股，佔H股部份的6.43%咁多。
從事醫療器材業工務的山東威高，以全配售方式，按每股0.62元，配售2.3億股H股上市，集資額1.426億元，唔係一般嘅奀豬創業板股，或者係咁，所以得到金手指的垂青。
小初記得，上周五山東威高掛牌，第一口價已經係0.91元，之後獲利盤湧現，一度低見0.66元，終於質到第3日，即係噚日先至反彈，升5.7%，收0.74元，成交唔似其他創業板股咁奀，喺第二、三日已經連買盤都冇埋，威高噚日重有1735萬股成交，似乎係有心做落去嘅格局。
以現價計算，金手指帳面獲利近兩成，無負金手指嘅威名。至於現價重跟唔跟得過？經紀黃話金手指雖然向來無寶不落，但現時市況不利細價股，唔少芬佬買貨亦有猶豫，不如等威高股價回落多少，再作考慮。
慕容小初