新一屆瑞士日內瓦車展，將於今日（3月2日）正式揭幕，而早前我哋早已為大家帶來唔少關於呢次車展嘅消息；原來另一邊廂嘅快意汽車亦會有新版Multipla，造型忠於FamilyLook。
新款快意Multipla嘅造型明顯要較前變得更富吸引力，不但用上以全新頭燈及FamilyLook嘅鬼面罩作配襯，就連一組尾燈及車尾線條亦屬新配搭，相比起原來那個極富前衞感嘅造型，來得有成熟穩重感覺，切合一般家庭用家口味。
至於車廂方面，新款Multipla亦會與現有型號相近，同樣以闊落車廂空間為賣點，就算坐滿6位乘客都有充裕空間，而靈活多變嘅車廂鋪排，亦會令尾廂空間有更大增幅，擺放行李變得方便又容易，莫怪乎成為同級車系中車廂空間最大的一部。若你對呢款新Multipla感興趣的話，就要密切留意我哋日後嘅報道喇！