阿敏和崇仔兩姊弟，自幼父母仳離，各自被送進兒童院生活，度過寂寞童年。數年前，兩人長大成人，姊弟重聚並一起生活，總算不愁三餐。無奈半年前，兩姊弟不幸雙雙失業，現已欠下多個月租金及雜費，面臨被迫遷的厄運，蘋果日報慈善基金即時撥款援助。
「我同細佬今次真係冇晒辦法，上個月已經畀電話公司截咗電話線，𠵱家房屋署又話要收樓，我哋實在好擔心，唔知點算。」阿敏一臉憂愁地說。
二十五歲的阿敏，與二十四歲胞弟阿崇相依為命，兩人雖然年紀輕輕，卻有着無數辛酸史。當兩姊弟分別只有兩、三歲時，父母便離婚，阿敏和崇仔自此恍如人球，交由親友包括爺爺、嫲嫲輪流照顧，最終兩姊弟被送往兒童院生活。
「我七歲第一次踏入兒童院，最初真係好唔開心，好唔習慣，當時我間兒童院喺中環，姐姐嗰間就喺粉嶺，我哋一年只見兩次面，一次喺暑假，另一次就喺新年，其餘嘅日子，除咗義工，都唔會有人嚟探我哋。」憶起童年往事，崇仔欷歔不已。
縱然阿敏、崇仔分隔多年，但卻無損姊弟間的感情，當兩人成年後，便各自離開院舍，共同生活。阿敏中三畢業後做過多種行業，包括文員、茶餐廳侍應及收銀員；崇仔中二輟學後，則當過冷氣學徒及廚房雜工，近年轉行任職搭棚工人，兩姊弟每月收入合共約一萬餘元，生活算是安穩。
奈何好景不常，半年前，阿敏和崇仔先後失業，雖然多番努力，但一直找不到工作，加上阿敏患有荷爾蒙失調症，身形異常肥胖，更令她在求職途上受盡歧視，屢次碰壁。
「我近幾年身形不斷暴脹，𠵱家有二百二十磅，去見護衞員，人哋話冇咁大件制服畀我着；去見售貨員賣衫，人哋又話櫥窗太細，怕我迫唔入去幫啲公仔換衫，成日俾人笑。」
現時兩姊弟不但三餐有困難，且已欠下房屋署多個月租金、電費、水費及電話費，正步入被迫遷及截水、截電的絕境。
「呢大半年，我哋靠賒賒借借過日子，𠵱家真係窮到連搵工嘅車錢都冇，遲啲可能要瞓街。」阿敏和
