【本報訊】戒煙幾天又心思思想抽根煙來「醒醒神」？要減肥卻提不起勁做運動？治療這兩種心癮原來是催眠治療師最「耍家」的伎倆。不少人擔心被催眠後會「大爆」私隱，或被人控制做壞事，但其實催眠只是一個接觸潛意識的方式，治療師會向求診者導入正面建議，被催眠的人仍有自控能力，完成催眠後更不會忘記說過的話。 記者：張嘉雯
「有啲人食咗幾十年煙，甚至國內都會有人嚟求醫，都係one-off（一次過）就可以。」臨床催眠治療師連峻表示，催眠治療對戒煙及減肥的效果最為顯著，前者通常只需一至兩次治療已有成效。
連峻解釋，日常生活主要用意識層面，但部份訊息會進入潛意識，就好像平日聽歌時不專心，但歌曲的旋律仍會在不知不覺間進入潛意識，在某些時間重新出現在腦海，「好似有啲人，成長裏面有啲事發生咗，入咗潛意識，令佢哋嘅行為同思想改變，我哋就幫佢哋搵出原因。」
以減肥個案為例，有些求診者可能是遇到突變而暴飲暴食，「因為失落想搵補償，有啲人會睇戲、買嘢，但呢班人（求診者）就選擇咗食嘢。」一些求診者則因為「忍唔到口、忍唔到手」，需要接受三至四個月的治療，「例如有啲人好鍾意食朱古力，食親食一排，咁我哋唔會要佢以後唔食，但係就會令佢減少進食嘅份量。」
連峻表示，他曾遇過一位女求診者，產後受離婚打擊，體重暴升至一百七十磅，在四至五個月的療程加上營養師協助下，減至一百二十磅。
除戒煙和減肥外，催眠亦適用於因心理造成的病症，如抑鬱、人際關係、失眠、尿床或性無能等，一般西醫若發現病人的病因與生理無關，就會轉介精神科醫生或催眠治療師，每小時收費約一千元。
「精神科醫生主要係用行為治療同藥物，有啲病人可能見咗幾年精神科，醫生覺得佢已經醫好，無需要再食藥，但係個病人覺得唔係，咁就會試呢度（催眠治療）。」驚恐症及社交恐懼症也是常見的病症，「上年就比較多人受工作問題困擾，會擔心自我形象咁呀。」
不少人認為，催眠可以喚回前世記憶，但連峻坦言不會接受純粹為追尋前生的求診者，「但係如果個病人喺催眠時講到啲有關上一世嘅情節，畀到資料我，解決到問題，我都會接受。」