以「太太愛我」來譬喻自己「愛國」嘅港大微生物學系系主任袁國勇，噚日又有「愛國論」新作，講講吓禽流感，佢無端端講起愛國。佢噚日喺講禽流感嘅記者會上，一到佢開口發言就忍唔住自動對是否愛國表態，「好彩今日唔係講愛國，但係我哋𠵱家做緊嘅嘢都係愛國嘅！」大家笑完一輪之後，佢本來都諗住入正題，但最終都係忍唔住講多句「我覺得其中一樣愛國係科學同民主，其實禽流感……」。原來科學同愛國有咁大關係，咁又係，禽流感來自中國，他媽的叫「國罵」，打麻雀叫「國粹」，禽流感叫做「國瘟」，愛國就要愛埋禽流感。
傳真︰2623-9278
電郵︰