劉兆佳自從由中大象牙塔轉入董營做智囊之後，講嘢愈來愈遠離群眾，接近中央。好似佢日前接受新華社訪問，爆出一句「沒有共產黨就沒有一國兩制」，又話特區喺憲制上要聽從於中央，真係唔同晒，有人就擔心佢第日點返中大見江東父老。
記得有次有人問佢政改會唔會做吓民調，佢竟然顧左右而言他，話有民調結果在前，跟又俾人話弱勢，唔跟又話不理民意，況且好似羅斯福同列根，永遠自己搞掂要講乜，唔使做咁多嘢。不過佳叔唔記得跟緊嗰位叫老董，點可以同人比？八方話，土共唔應該點名搞分化，佳叔竟然笑笑口話點咗幾個啫，冇大問題喎。
傳真︰2623-9278
電郵︰