張佩金日前在上海遇上嚴重交通意外，昨日醫院方面表示她已停止內出血，但尚未度過危險期。張佩金男友Harry昨日憶述事發時女友為她擋了不少撞力，令他深感內疚。而張佩金母親亦四出打探上海著名廟宇，為愛女祈福。 記者何永寧、黃文偉上海直擊
落選亞姐張佩金上周六凌晨在上海發生嚴重交通意外，經過兩次大手術後目前仍在深切治療部留醫，至昨日為止，尚未度過危險期。
跟張佩金同車的經理人兼其男友Harry亦不幸撞斷肋骨，昨日他在病房中接受訪問，精神尚算不俗，但講話時傷口仍隱隱作痛，要着一件類似背心的胸骨架來固定胸骨。
問Harry張佩金情況如何時，他有點勞氣說：「我點會知吖！佢哋講畀我聽嗰啲都係假，個個都呃我，其實我想睇吓佢，但我行唔到。」
談到意外，Harry表示十分內疚說：「個司機唔識路行過龍，問我哋掉頭好唔好，但佢未講完已經好快咁掉緊頭，跟住我聽到Samantha（張佩金）大叫，我望過去已經見到兩盞大光燈射住塊面，跟住發現自己伏咗喺Samantha度，而Samantha就成個人包住我，佢幫我擋咗啲力，我真係覺得好內疚……醫生話我休息一個星期就可以落床，完全康復就要兩三個月。」
Harry不諱言今次由於有傳媒報道，令上海市政府調派其他醫院醫生和護士到公利醫院協助，更成立專責小組每日開會兩次討論張佩金的病情。Harry說：「Samantha換咗血之後，𠵱家身上啲血已經唔係佢自己，醫生話最緊要睇吓有冇排斥同有冇細菌感染；而且，由於佢啱啱做完兩次大手術，身體好孱弱，暫時唔可以再做手術住。」
而據張佩金留醫的公利醫院方副院長說：「她（張佩金）入院時情況是非常嚴重，我們會盡力搶救，她不是完全沒有生存機會的；她現時是清醒，但為減少活動，我們給她服鎮定劑，現在她內出血已停止，尿管排出來的血水亦少了許多。」
至於前晚由馬來西亞趕往上海的張佩金母親，四處打探上海著名廟宇，準備為愛女拜神祈福。此外，昨日下午有公安到醫院向Harry錄取口供，而今次意外預計十五日後會有判決。
