遇劫的鄧鎮樑夫婦，雖然碰上一場深刻難忘的經歷，雙手被布條綁得太緊以致紅腫受傷，卻坦言「唔會怪啲賊」。他們指賊人「態度誠懇」，又多次強調求財不會傷人，結果亦有遵守承諾；而夫婦二人對賊人的慈悲與寬恕，來自他們的信仰。
「我哋兩夫婦都係基督徒，深信神會保佑我哋嘅安全，要我哋原諒啲賊。我哋亦覺得今次係神畀我哋嘅一個考驗，冇乜受大傷害亦係一個神迹！」鄧鎮樑與太太被綁在樹上的十小時內，用唱聖詩、祈禱及互相鼓勵來面對不知何時才能獲救的等待，未有太大擔心。「我聽一個賊人講，佢哋打劫我哋之前，已經打劫咗一個人搶咗六萬蚊，同時意外整傷咗個人，我哋好擔心個人嘅安危，所以同時為嗰個人祈禱，希望佢冇事。」
鄧神色平和地說，「俾賊人綁起十個鐘頭內，我哋兩夫婦深深感受到遇上災難時嘅痛苦感受，更深刻了解耶穌基督被釘十字架上嘅心情，我哋認為今次係神畀我哋嘅一個考驗同體驗！」
本報記者