終極版平治M-Class4月登場

德國平治車廠近期狀態大勇，不但會響嚟緊日內瓦車展上，展出全新C-Class、SLK及CLS型號，日前又宣布會為旗下嘅M-Class，推出一款名為FinalEdition嘅特別版。

更換電鍍鬼面罩
呢款稱為FinalEdition嘅特別版新車，最明顯的變動相信一定係附有電鍍邊嘅鬼面罩、全新17吋跑車合金胎軨，同埋電鍍車門把手等等。至於車廂方面，則一如過往會以豪邁舒適見稱，但前後兩排座椅、軚盤及波棍的等地方，都用上高手觸感嘅高級真皮製作，其中一雙前排跑車座椅更具有十足承托力！除此之外，廠方更特別為其加入瑰麗桃木裝飾，可謂氣派十足。
呢部特別版平治M-Class，將沿用現有型號配搭，當中包括ML350及ML500，以切合不同用家選擇，暫未知是否會登陸香港。