被形容為特區大內總管嘅行政署署長黃灝玄早前唔認會調返去布魯塞爾，最後證明傳聞係真嘅，佢老哥三月二十二日會出任特區駐歐洲共同體代表，接替翟信誠，遠離香港呢個文革之都，執到條好籤，真係家山有福。添馬艦塊地同新立法會大樓恐怕佢出完差返嚟都未動工，除非特區政府轉咗性。八方問立法會主席范太黃公公係咪唔愛國，錫住塊添馬艦用地，懷戀殖民地風光？范太竟然幫住佢，話唔關黃灝玄嘅思想問題，係政府冇錢啫。
黃公公嘅副手張琼瑤（唔係台灣嗰位女作家）會接佢個位，由D4署理D6，有職升，當然要恭喜，今年九月立法會會唔會變天冇人知，但肯定行政立法關係會有不同，張小姐也要準備接議員招啦，當然，張琼瑤二千年已經喺行政署做No.2，冇乜嘢會考得佢起。
（圖）黃灝玄就嚟調返去布魯塞爾，出任特區駐歐洲共同體代表。
傳真︰2623-9278
電郵︰