上星期發生廉記查芬佬同分析員案件，小初同成班老友都好擔心，唔知呢單嘢會唔會有餘波？不過，小初同成班老友傾完後，大家決定繼續玩，但就要搵啲較大隻嘅股票嚟炒，其中華人置業（127）係目標之一。
雖然小初早年炒賣華置嘗過苦頭，但無可否認，呢隻股當炒之時，升幅可以好驚人。
華置老闆近年見報，主要在娛樂版，但最近則頻頻在財經版出現，經紀陳重話佢近排見過唔少證券界人士，作風有好大改變，似乎真係想大展拳腳。
但小初有樣嘢唔多理解，華置大股東舊年曾多次減持股份，與此同時，公司又密密回購，好似大股東在1月中減持4000萬股，但跟住在2月份，公司多次回購，剛剛在上周四，又回購400幾萬股，動機真係好難明。
雖然係咁，華置受惠於近排樓價上升，係鐵一般事實，公司實力一定有，而且老闆係財技高手，要做嘢嘅話，又點會冇外資大行幫手，股價要再升，根本唔係難事。
慕容小初