劉迺強喺行內嘅外號叫做「迺哥」，（諧音「奶哥，有少少騎呢，呢個世界「奶媽」就聽得多啫），呢輪瘋狂咁上位，八方都唔想講畀人知識佢，覺得實在羞家。
不過，政界不少人同佢都有淵源，好似葉澍堃局長，劉迺強就做過佢大學tutor，指導過佢統計學。
「奶哥」讀書嗰陣正係文革暴動，火紅年代，認祖關社，一早就識得辨認北方嗰隻先至係真奶頭，唔怪得呢位棄政從商嘅阿哥最近突然口腔期權力慾大爆發，不惜羅織罪名，屈得就屈，恨不得將李柱銘同何俊仁槍決而後快。
八方問佢啲民主派舊友點睇，竟然冇乜邊個人想提佢個「奶哥」大名，不過，有人就笑話，舊日「滙點」三個前主席，「奶哥」、楊森同埋張炳良，只有佢一個可以「被封」為政協，返大陸做生意，楊森就十五年冇得返大陸，張炳良就學者一個。
傳真︰2623-9278
電郵︰